Tajribali fransiyalik vinger Frank Riberi tez orada faoliyatini yakunlashini e’lon qiladi. Gazzetta dello Sport nashri xabariga ko‘ra, 39 yoshli futbolchi jismoniy holati yomon bo‘lgani uchun "Salernitana" klubini tark etishga qaror qildi.
Manbaga ko‘ra, faxriy o‘z qarorini keyingi haftada e’lon qilmoqchi. Qayd etilishicha, bundan keyin Frank "Salernitana" tuzilmasida ishga joylashadi. U Italiya klubining elchisiga aylanadi.
2022/2023 yilgi mavsumda Riberi ikkita uchrashuvda qatnashgan, ularda gol va golli uzatmani amalga oshira olmagan. O‘tgan mavsumda fransiyalik futbolchi 22 o‘yinda 3 ta golli uzatmani amalga oshirgan.
