Тажрибали франциялик вингер Франк Рибери тез орада фаолиятини якунлашини эълон қилади. Gazzetta dello Sport нашри хабарига кўра, 39 ёшли футболчи жисмоний ҳолати ёмон бўлгани учун "Салернитана" клубини тарк этишга қарор қилди.
Манбага кўра, фахрий ўз қарорини кейинги ҳафтада эълон қилмоқчи. Қайд этилишича, бундан кейин Франк "Салернитана" тузилмасида ишга жойлашади. У Италия клубининг элчисига айланади.
2022/2023 йилги мавсумда Рибери иккита учрашувда қатнашган, уларда гол ва голли узатмани амалга ошира олмаган. Ўтган мавсумда франциялик футболчи 22 ўйинда 3 та голли узатмани амалга оширган.
