Superliga 21-turidan o‘rin olgan “Nasaf” – “So‘g‘diyona” (1:1) bahsidan so‘ng mezbonlar bosh murabbiyi Ro‘ziqul Berdiyev nima uchun jamoa uydagi o‘yinlarda ko‘proq qiynalayotganini aytdi.

“Negadir uyda o‘ynasak raqiblarimiz ko‘pchilik bo‘lib himoyalanmoqda va bu bizga qiyinchilik tug‘dirayapti. Shu bois, shogirdlarimga o‘yin davomidagi har bir vaziyatdan, standartlardan foydalanish kerakligini tushuntirayapman”, - deydi Berdiyev.

“Abduraimov va Muhitdinovda jarohatlar bor, shuning uchun bugungi o‘yin qaydnomasiga kiritilishmadi. Hammada kayfiyat yaxshi. Muxlislarimizni tushunaman. Oldinda o‘yinlarimiz bor va oxirigacha kurashni davom ettiramiz. Kubok yarim finalida ham faqat g‘alaba uchun maydonga chiqamiz”