"Chelsi" himoyachisi Tiagu Silva YECHL guruh bosqichi 4-turi doirasida "Milan"ga qarshi o‘yindan umidlari bilan o‘rtoqlashdi.
“Hayajondaman, lekin ruhiy jihatdan tayyorlanishga harakat qilaman. "Milan"ga nima bo‘ldi? O‘tgan hafta ular bizga qarshi yomon o‘yin o‘tkazishdi, shunday bo‘lib turadi, ammo bunday buyuk klublar bu xatoni ikki marta qilishmaydi. "Yuventus"ga qarshi oxirgi o‘yinda ko‘rsatgan ajoyib natijani ko‘rishingiz mumkin. Shunday ekan, ular ertaga yana bir ajoyib o‘yin o‘tkazish uchun yuqori motivasiyaga ega ekaniga ishonchim komil. Biz juda ko‘p ishlashimiz kerak, chunki "Milan"ga qarshi o‘yinlar hech qachon oson bo‘lmaydi", - deya Silva so‘zlarini keltirmoqda klub matbuot xizmati.
“Chelsi” ayni damda “E” guruhida 3 o‘yindan keyin 4 ochko bilan 2-o‘rinda bormoqda. “Milan” qo‘shimcha ko‘rsatkichlar bo‘yicha “ko‘klar”dan ortda qolgan 4 ochko bilan 3-o‘rinda bormoqda.
