Bahraynda o‘tayotgan og‘ir atletika bo‘yicha Osiyo chempionatida yana bir sportchimiz g‘alabani tantana qildi.

-73 kg vazn toifasida bahs olib borgan Doston Yoqubov dast ko‘tarish mashqida 140 kg bilan bronza medalga sazovor bo‘ldi. Ushbu yo‘nalishda indoneziyalik Rizki Juniansiyah 152 kg. bilan oltin medalga sazovor bo‘lgan bo‘lsa, xitoylik Shulin Siang hamyurtimizdan 3 kilo ko‘proq ko‘tarib, kumush medalni qo‘lga kiritdi.

Doston siltab ko‘tarishda 182 kg ko‘tarib, ikki kurashda 322 kg. natija qayd etdi va barchadan oldinga o‘tib oldi. Jumladan, vatatdoshimiz xitoylik sportchini bir kiloga ortda qoldirdi. Siltab ko‘tarishda indoneziyalik atlet o‘z urinishini darhol 186 kg.dan boshladi. Ammo u 3ta urinishda ham ushbu og‘irlikni ko‘tara olmadi.

Natijada Yoqubov musobaqani 2 ta oltin hamda 1 ta bronza medallari bilan yakunladi!