Chempionlar ligasi guruh bosqichining 4-tur uchrashuvida Italiyaning “Milan” klubi o‘z maydonida “Chelsi”ni qabul qildi va 0:2 hisobida mag‘lub bo‘ldi.
"Milan" ustozi Stefano Pioli uchrashuvdan keyin hakamning qarorlaridan hayratda qolganini yashirmadi.
"Uchrashuv boshida biz yaxshi o‘ynay olamiz, degan his bor edi. Qizil kartochka va jazolar hammasini ostin-ustun qildi. Raqib kuchli edi va aksariyat hollarda unga ancha osonlashdi. Menimcha, penalti va kartochka juda oson berilgani aniq. O‘yindan keyin hakam bilan gaplashdim, mening ingliz tilim unchalik yaxshi emas, lekin u hamma narsani tushundi deb o‘ylayman", dedi Pioli.
