Fransiya professional futbol ligasi tartib-intizom qo‘mitasi Fransiya chempionatining 10-turi o‘yinlari bo‘yicha qaror qabul qildi.
"Reyms" bilan uchrashuvda (0:0) hakamni haqorat qilgani uchun qizil kartochka olgan "PSJ" himoyachisi Serxio Ramos uchta o‘yinga diskvalifikasiya qilindi (O‘yinlarning biri ortda qoldi).
Shu tariqa, 36 yoshli ispaniyalik futbolchi “Marsel” (16 oktyabr) va “Ayachcho” (21 oktyabr)ga qarshi o‘yinlarni o‘tkazib yuboradi.
"PSJ" hujumchisi Neymar ham sariq kartochkalari tufayli bir o‘yinga diskvalifikasiya qilindi, ammo u "Marsel" bilan o‘ynay oladi, chunki bu ish bo‘yicha qaror 18 oktyabrdan kuchga kiradi.