13-16-oktyabr kunlari Quvayt davlati mezbonligida yengil atletika bo‘yicha 18 yoshgacha bo‘lgan o‘smirlar o‘rtasidagi IV Osiyo chempionati bo‘lib o‘tmoqda.

O‘smirlar o‘rtasidagi jahon chempionati va Islom birdamlik o‘yinlari g‘olibasi Sharifa Davronova uzunlikka sakrash bo‘yicha 6,06 natija qayd etib o‘z shaxsiy rekordini yangilash bilan bir qatorda Osiyo chempioniligini ham qo‘lga kiritdi. Ikkinchi ishtirokchimiz Xushnoza Shavkatova 5,78 ball bilan to‘rtinchi o‘rinni egalladi.

Bundan tashqari, sportning dekatlon turidan bahslarda ishtirok etayotgan Nodir Norboyev musobaqaning birinchi kunidan keyin jadvalda birinchi bo‘lib turibdi. 100 metrga yugurishda 11,64 soniya natija bilan 723 ochko, uzunlikka sakrashda 6,56 metr natija bilan 711 ochko, yadro uloqtirishda 14,27 metr natija bulan 745 ochko, balandlikka sakrashda 2,02 metr va 822 ochko hamda 400 metr masofaga yugurishda 53,07 sekund natija bilan 679 ochko, umumiy 3680 ball to‘plagan holda musobaqa peshqadami bo‘lib turibdi.