"Tottenxem" bosh murabbiyi Antonio Konte bilan yangi shartnoma imzolashni rejalashtirmoqda.

Italiyalik mutaxassisning amaldagi shartnomasi 2023 yilning 30 iyuniga qadar mo‘ljallangan bo‘lib, u yana bir mavsumga uzaytirilishi mumkin.

The Telegraph xabariga ko‘ra, "shporlar" kelasi oy Konte bilan uzoq muddatli shartnoma bo‘yicha muzokaralarni boshlamoqchi.

Murabbiy "Tottenxem"da yiliga 15 million funt sterling maosh oladi, biroq shartnoma uzaytirilsa, maoshini oshirishni talab qiladimi yoki yo‘qmi, hozircha ma’lum emas.

Londonliklar 10ta o‘yindan so‘ng APL turnir jadvalida peshqadam “Arsenal”dan bir ochko ortda qolib, 3-o‘rinda bormoqda, “kanonirlar”da esa bir o‘yin kam.