Angliya premyer-ligasining 11-turida «Liverpul» 16 oktyabr, yakshanba kuni «Manchester Siti»ni qabul qildi.

Uchrashuvning birinchi bo‘limida hisob ochilmadi. Bahsning 54-daqiqasida "shaharliklar" Fil Fodenning goli evaziga hisobni ochishgandi. Ammo hujumning boshlanish pallasida Xoland Fabinyoga nisbatan qoida buzgani uchun gol bekor qilindi.

76-daqiqada Muhammad Saloh jamoaning qarshi hujumini muvaffaqiyatli yakunlab, mersisaydlarni oldinga olib chiqdi. Ushbu gol amalda o‘yin taqdirini hal qilib berdi.

Ushbu g‘alaba evaziga «qizillar» ochkolarini 13 taga yetkazib olgan holda 8-o‘ringa ko‘tarildi. «Shaharliklar» 23 ochko bilan ikkinchi o‘rinda bormoqda va peshqadam «Arsenal»dan 4 ochkoga qolib ketdi.

APL, 11-tur bahsi
16 oktyabr, yakshanba
«Liverpul» — «Manchester Siti» 1:0
Gol: 1:0 – 76 Saloh.
«Liverpul»: Alisson, van Deyk, Gomes, Robertson, Tiago Alkantara, Fabinyo (Henderson, 73), Elliott (Karvalyu, 73), Milner, Firmino (Nunyes, 72), Saloh (Aleksander-Arnold, 90), Diogu Jota (Simikas, 90+9).
«Manchester Siti»: Ederson, Joau Kanselu, Ruben Diash, Akanji, Ake, Gundo‘g‘an (Alvares, 89), de Bryuyne, Rodri, Bernardu Silva, Foden, Holand.
Ogohlantirishlar: Fabinyo (63), Akanji (78), Tiago Alkantara (84), Diogu Jota (90).