Англия премьер-лигасининг 11-турида «Ливерпуль» 16 октябрь, якшанба куни «Манчестер Сити»ни қабул қилди.

Учрашувнинг биринчи бўлимида ҳисоб очилмади. Баҳснинг 54-дақиқасида "шаҳарликлар" Фил Фоденнинг голи эвазига ҳисобни очишганди. Аммо ҳужумнинг бошланиш палласида Холанд Фабиньога нисбатан қоида бузгани учун гол бекор қилинди.

76-дақиқада Муҳаммад Салоҳ жамоанинг қарши ҳужумини муваффақиятли якунлаб, мерсисайдларни олдинга олиб чиқди. Ушбу гол амалда ўйин тақдирини ҳал қилиб берди.

Ушбу ғалаба эвазига «қизиллар» очколарини 13 тага етказиб олган ҳолда 8-ўринга кўтарилди. «Шаҳарликлар» 23 очко билан иккинчи ўринда бормоқда ва пешқадам «Арсенал»дан 4 очкога қолиб кетди.

АПЛ, 11-тур баҳси
16 октябрь, якшанба
«Ливерпуль» — «Манчестер Сити» 1:0
Гол: 1:0 – 76 Салоҳ.
«Ливерпуль»: Алиссон, ван Дейк, Гомес, Робертсон, Тиаго Алькантара, Фабиньо (Ҳендерсон, 73), Эллиотт (Карвалью, 73), Милнер, Фирмино (Нуньес, 72), Салоҳ (Александер-Арнольд, 90), Диогу Жота (Цимикас, 90+9).
«Манчестер Сити»: Эдерсон, Жоау Канселу, Рубен Диаш, Аканжи, Аке, Гундўған (Альварес, 89), де Брюйне, Родри, Бернарду Сильва, Фоден, Ҳоланд.
Огоҳлантиришлар: Фабиньо (63), Аканжи (78), Тиаго Алькантара (84), Диогу Жота (90).