“Arsenal” yarim himoyachisi Granit Jaka Yevropa ligasi doirasida PSV ustidan qozonilgan g‘alaba (1:0) haqida fikr bildirdi.
"Bizda imkoniyatlar ko‘p bo‘ldi, ammo gol ura olmadik. To‘pni o‘zimizda saqlash, vaziyatlar yaratishda davom etish istagi bor edi, shuning uchun biz g‘alabaga loyiq edik deb o‘ylayman. Raqibda bizni qarshi hujumda jazolash imkoniyati borligini bilardik, ammo biz hayratlanarli darajada yaxshi o‘ynadik. Ayni damda hammasi zo‘r ketmoqda, lekin bu biz uchun kutilmagan holat emas - biz juda ko‘p ishlarni qildik. Biz jamoa bo‘lib g‘alaba qozonamiz va mag‘lub bo‘lamiz hamda biz hozir juda xavflimiz. Biz pley-offga chiqmoqchi edik va bundan juda xursandmiz" - dedi Jaka BT Sport bilan suhbatda.
