"Barselona" prezidenti Joan Laporta "Yuventus"ning sobiq bosh murabbiyi Andrea Pirloni niderlandiyalik mutaxassis Ronald Kuman iste’foga chiqargach, bosh murabbiy etib tayinlamoqchi bo‘lgan, deb xabar bermoqda Diario Sport.
Manbaning xabariga ko‘ra, Laporta jamoaning klubda ta’sir o‘tkazayotgan futbolchilari bilan gaplashgach, italiyalik murabbiyni taklif qilish haqidagi fikridan qaytgan. Futbolchilar 43 yoshli Pirloni "Barselona"ning o‘yin uslubini o‘zgartiradigan tajribasiz murabbiy deb hisoblashgandi.
Eslatib o‘tamiz, Kuman o‘tgan yilning oktyabr oyida ishdan bo‘shatilgan edi. Uning “ko‘k-anorranglilar” ustozi sifatidagi o‘rnini futbolchilar qo‘llab-quvvatlagan Xavi Ernandes egalladi.
Ispaniya chempionatining 11-turidan keyin “Barselona” turnir jadvalining ikkinchi pog‘onasida joylashgan. Kataloniyaliklar peshqadam “Real”dan 3 ochko ortda qolmoqda.
