"Барселона" президенти Жоан Лапорта "Ювентус"нинг собиқ бош мураббийи Андреа Пирлони нидерландиялик мутахассис Роналд Куман истеъфога чиқаргач, бош мураббий этиб тайинламоқчи бўлган, деб хабар бермоқда Diario Sport.
Манбанинг хабарига кўра, Лапорта жамоанинг клубда таъсир ўтказаётган футболчилари билан гаплашгач, италиялик мураббийни таклиф қилиш ҳақидаги фикридан қайтган. Футболчилар 43 ёшли Пирлони "Барселона"нинг ўйин услубини ўзгартирадиган тажрибасиз мураббий деб ҳисоблашганди.
Эслатиб ўтамиз, Куман ўтган йилнинг октябрь ойида ишдан бўшатилган эди. Унинг “кўк-анорранглилар” устози сифатидаги ўрнини футболчилар қўллаб-қувватлаган Хави Эрнандес эгаллади.
Испания чемпионатининг 11-туридан кейин “Барселона” турнир жадвалининг иккинчи поғонасида жойлашган. Каталонияликлар пешқадам “Реал”дан 3 очко ортда қолмоқда.
