«Барселона» президенти Жоан Лапорта Каталония клубининг буюклиги ҳақида гапирди. Унинг таъкидлашича, дунёдаги аксарият футболчилар «кўк-анорранглилар» сафида тўп суришни орзу қилади.
Лапорта Каталония клубининг мавқеини янада мустаҳкамлаш ва юксалтириш ниятида эканлигини қайд этди.
«Футбол оламидаги аксарият футболчилар «Барса»га ўтишни хоҳлашади ва бу бизни фахрга тўлдиради. Биз «Барса»ни янада буюкроқ қилишда давом этамиз!» — деди Лапорта.
Якунланган мавсумда «Барселона» Ла Лига ва Испания Кубогида ғолиб чиқди. Каталонияликларнинг асосий рақиби — Мадриднинг «Реал» клуби эса ўтган мавсумни совринсиз якунлади.
