Тошкентнинг «Пахтакор» клуби собиқ ҳужумчиси Валерий Кечинов Ўзбекистон миллий терма жамоасига Жаҳон чемпионати олдидан италиялик мутахассис Фабио Каннаваронинг бош мураббий этиб тайинланганини унчалик мантиқий қарор бўлмаганини таъкидлади.
Маълумот учун, Ўзбекистон терма жамоаси ўз тарихидаги илк Жаҳон чемпионатида гуруҳ босқичида Колумбияга (1:3), Португалияга (0:5) ва Конго ДРга (1:3) мағлуб бўлиб, плей-офф босқичига йўлланма олмади. Жамоани Жаҳон чемпионатига Тимур Кападзе олиб чиққан эди. Бироқ 2025 йил октябрида унинг ўрнига Фабио Каннаваро тайинланган.
«Жамоани Жаҳон чемпионатига олиб чиққан бош мураббий ишдан кетказилиб, унинг ўрнига бу йўлда ҳеч қандай ҳисса қўшмаган, аммо номдорроқ мураббий келса, бу бироз ғалати кўринади. Бу раҳбариятнинг қарори эди, улар шу йўл жамоа учун яхшироқ бўлади, деб ўйлашди. Аммо кўрганимиздек, мўъжиза рўй бермайди.
Жамоага маҳорат, тажриба ва ҳиссиётларини назорат қилиш қобилияти етишмади. Бундай муҳит, эътибор ва босимга ҳар қандай футболчи ҳам руҳий жиҳатдан дош бера олмайди. Шу жиҳатларнинг барчасида жамоа тайёр эмас эди. Қолаверса, улар жуда кучли гуруҳдан ўрин олганди», — деди Ўзбекистон терма жамоаси сафида учта учрашув ўтказган Кечинов.













