“Borussiya” klubining yosh iqtidori Yusuf Mukoko Germaniya terma jamoasi tarkibida Qatarda bo‘lib o‘tadigan Jahon chempionatida ishtirok etish imkoniyatini qo‘lga kiritdi.
Sport1 nashri xabariga ko‘ra, “Borussiya” hujumchisi Xans-Diter Flik tomonidan Jahon chempionatiga tayyorgarlik ko‘rish uchun tanlangan 55 nafar futbolchidan iborat kengaytirilgan ro‘yxatga kiritilgan. Qizig‘i shundaki, Mukoko shu kungacha asosiy terma jamoa libosini kiyishga ulgurmagan, faqatgina yoshlar terma jamoasi tarkibida o‘ynagan.
Eslatib o‘tamiz, JCH-2022 20 noyabrda boshlanadi va to‘rt karra Jahon chempionlarining yakuniy ro‘yxati turnir boshlanishiga to‘qqiz kun qolganida e’lon qilinadi. "E" guruhida nemislar Yaponiya, Ispaniya va Kosta-Rika bilan o‘ynaydi.
