“Боруссия” клубининг ёш иқтидори Юсуф Мукоко Германия терма жамоаси таркибида Қатарда бўлиб ўтадиган Жаҳон чемпионатида иштирок этиш имкониятини қўлга киритди.
Sport1 нашри хабарига кўра, “Боруссия” ҳужумчиси Ханс-Дитер Флик томонидан Жаҳон чемпионатига тайёргарлик кўриш учун танланган 55 нафар футболчидан иборат кенгайтирилган рўйхатга киритилган. Қизиғи шундаки, Мукоко шу кунгача асосий терма жамоа либосини кийишга улгурмаган, фақатгина ёшлар терма жамоаси таркибида ўйнаган.
Эслатиб ўтамиз, ЖЧ-2022 20 ноябрда бошланади ва тўрт карра Жаҳон чемпионларининг якуний рўйхати турнир бошланишига тўққиз кун қолганида эълон қилинади. "Е" гуруҳида немислар Япония, Испания ва Коста-Рика билан ўйнайди.
