“Tottenxem” klubining asosiy yulduzi Xarri Keyn klub bilan yangi uzoq muddatli shartnoma imzolashi mumkin. Bu haqda jurnalist Ekrem Konur ijtimoiy tarmoqlar orqali xabar berdi.

Insayderning so‘zlariga ko‘ra, London klubi rahbariyati hujumchi bilan hamkorlikni uzaytirish bo‘yicha kelishib olishiga ishonmoqda. Futbolchining "shporlar" bilan amaldagi shartnomasi 2024 yilning o‘rtalariga qadar tuzilgan.

Avvalroq, "Bavariya" Keynga jiddiy qiziqish bildirayotgani xabar qilingandi.

29 yoshli hujumchi joriy mavsumda APLda 12 ta o‘yinda maydonga tushib, 10 ta gol (2 tasi penaltidan) va 1 ta golli uzatmaga mualliflik qilgan.