“Тоттенхэм” клубининг асосий юлдузи Харри Кейн клуб билан янги узоқ муддатли шартнома имзолаши мумкин. Бу ҳақда журналист Экрем Конур ижтимоий тармоқлар орқали хабар берди.
Инсайдернинг сўзларига кўра, Лондон клуби раҳбарияти ҳужумчи билан ҳамкорликни узайтириш бўйича келишиб олишига ишонмоқда. Футболчининг "шпорлар" билан амалдаги шартномаси 2024 йилнинг ўрталарига қадар тузилган.
Аввалроқ, "Бавария" Кейнга жиддий қизиқиш билдираётгани хабар қилинганди.
29 ёшли ҳужумчи жорий мавсумда АПЛда 12 та ўйинда майдонга тушиб, 10 та гол (2 таси пенальтидан) ва 1 та голли узатмага муаллифлик қилган.
