"Liverpul" bosh murabbiyi Yurgen Klopp Chempionlar ligasi doirasida "Ayaks"ga qarshi o‘yin oldidan o‘z kayfiyati haqida gapirdi.
Ingliz grandi Amsterdamda mag‘lub bo‘lmasa, 1/8 finaliga yo‘llanmani kafolatlaydi.
“Men bu o‘yinni intiqlik bilan kutyapman, qiziqarli bo‘ladi. Bu Chempionlar ligasi, bu juda ko‘p nomdor futbolchilar ishtirokidagi qiyin uchrashuv, bu ajoyib o‘yin. Bizda sifatli o‘yinchilar ko‘p va biz har qanday tarkibda yaxshi o‘ynashimiz kerak”, - dedi Klopp.
“Ayaks” – “Liverpul” uchrashuvi Toshkent vaqti bilan soat 00:00da boshlanadi.
