Chempionlar ligasi guruh bosqichining beshinchi turida “Napoli” Shotlandiyaning “Glazgo Reynjers” klubini 3:0 hisobida mag‘lub etib, guruhda birinchi o‘rinni amalda qo‘lga kiritdi. "Reynjers" ustozi "Napoli"ga qarshi o‘yin haqidagi fikrlari bilan o‘rtoqlashdi.
"Men xafaman. Biz yaxshi boshlamoqchi edik, ammo maydon markazida raqibga imkoniyatni boy berdik va “Napoli” tezda ikkita gol urdi. Biz bitta gol urishimiz mumkin, ikkinchi bo‘limda ham imkoniyatlar bo‘ldi, umuman uchrashuvning ikkinchi bo‘limi yaxshiroq o‘tdi. Unutmaylikki, faqatgina biz muvaffaqiyatsizlikka uchraganimiz yo‘q, "Yuventus" va "Barselona" kabi klublar ham turnirda biz kabi uzoqqa bormaydi" - dedi van Bronkxorst calcionapoli1926.it bilan suhbatda.
