PSV klubi hujum chizig‘i yetakchisi Kodi Gakpo qishki transfer oynasida klubini o‘zgartirishi mumkin, deb xabar bermoqda De Telegraf.
Manba bergan xabarga ko‘ra, Eyndxoven klubi rahbariyati top-klublarning qiziqishi fonida 23 yoshli futbolchini saqlab qolish nihoyatda qiyin bo‘lishini tushunib turibdi. Shu munosabat bilan gollandlar qishki transfer oynasida 30 million yevro evaziga Gakpo bilan xayrlashishga tayyor.
Avvalroq OAV Kodiga "Real" va "Manchester Yunayted"dan qiziqish bildirayotgani haqida xabarlar tarqalgandi.
Hujumchi joriy mavsum Erediviziyaning 11 o‘yinida 9 ta gol urdi va 9 ta golli uzatmani amalga oshirdi.













