ПСВ клуби ҳужум чизиғи етакчиси Коди Гакпо қишки трансфер ойнасида клубини ўзгартириши мумкин, деб хабар бермоқда De Telegraf.
Манба берган хабарга кўра, Эйндховен клуби раҳбарияти топ-клубларнинг қизиқиши фонида 23 ёшли футболчини сақлаб қолиш ниҳоятда қийин бўлишини тушуниб турибди. Шу муносабат билан голландлар қишки трансфер ойнасида 30 миллион евро эвазига Гакпо билан хайрлашишга тайёр.
Аввалроқ ОАВ Кодига "Реал" ва "Манчестер Юнайтед"дан қизиқиш билдираётгани ҳақида хабарлар тарқалганди.
Ҳужумчи жорий мавсум Эредивизиянинг 11 ўйинида 9 та гол урди ва 9 та голли узатмани амалга оширди.
