Italiya terma jamoasi 2022 yilda Qatarda bo‘lib o‘tadigan futbol chempionatida Tunis terma jamoasi o‘rnini egallashi mumkin, deb xabar beradi Le Parisen.
Avvalroq FIFA Tunisni hukumatning mamlakat futbol ishlariga aralashuvi tufayli jahon chempionatidan chetlashtirishi mumkinligi haqida xabar berilgandi. Bu Tunis yoshlar va sport vaziri Kamel Deguishaning Tunis futbol federasiyasini tarqatib yuborishi mumkinligiga shama qilgan so‘zlaridan keyin sodir bo‘ldi.
Agar Tunis terma jamoasi diskvalifikasiya qilinsa, uning JCH-2022dagi o‘rnini FIFA jamoalari reytingida eng yuqori o‘rinni egallagan jamoa sifatida Italiya terma jamoasi egallashi mumkin.
Tunis terma jamoasi 2022 yilgi jahon chempionatida Daniya, Avstraliya va Fransiya bilan bir guruhdan joy oladi.
Eslatib o‘tamiz, avvalroq BMT elchisi FIFAni JCH-2022da Eron terma jamoasini Italiyaga almashtirishga chaqirgan edi.