Италия терма жамоаси 2022 йилда Қатарда бўлиб ўтадиган футбол чемпионатида Тунис терма жамоаси ўрнини эгаллаши мумкин, деб хабар беради Le Parisen.
Аввалроқ ФИФА Тунисни ҳукуматнинг мамлакат футбол ишларига аралашуви туфайли жаҳон чемпионатидан четлаштириши мумкинлиги ҳақида хабар берилганди. Бу Тунис ёшлар ва спорт вазири Камел Дегуишанинг Тунис футбол федерациясини тарқатиб юбориши мумкинлигига шама қилган сўзларидан кейин содир бўлди.
Агар Тунис терма жамоаси дисквалификация қилинса, унинг ЖЧ-2022даги ўрнини ФИФА жамоалари рейтингида энг юқори ўринни эгаллаган жамоа сифатида Италия терма жамоаси эгаллаши мумкин.
Тунис терма жамоаси 2022 йилги жаҳон чемпионатида Дания, Австралия ва Франция билан бир гуруҳдан жой олади.
Эслатиб ўтамиз, аввалроқ БМТ элчиси ФИФАни ЖЧ-2022да Эрон терма жамоасини Италияга алмаштиришга чақирган эди.
