Londonning “Chelsi” klubi yarim himoyachisi Jorjinyo qishki transfer oynasida Angliya klubi uning maoshini sezilarli darajada oshirishni taklif qilmasa, “Barselona” taklifini ko‘rib chiqishga tayyor. Bu haqda Sport.es nashri xabar bermoqda.
Manba bergan xabarga ko‘ra, italiyalik futbolchi avvalroq "Chelsi"da qolish istagini bildirgan, biroq agar unga yangi shartnoma bo‘yicha yaxshilangan moliyaviy taklif tushmasa, qarorini qayta ko‘rib chiqishi mumkin. Tomonlar o‘rtasidagi amaldagi kelishuv mavsum oxirida o‘z nihoyasiga yetadi.
Oldinroq Jorjinyo Yevropa mavsumi yakunida faoliyatini MLSda davom ettirish niyatida bo‘lgan Serxio Busketsning "Barselona"da o‘rnini egallashi mumkinligi xabar qilingandi.
