«PSJ» yarim himoyachisi Vitinya Portugaliya terma jamoasining JCH-2026dagi o‘zgacha motivasiyasi haqidagi savolga javob berdi.
Hozirda bo‘lib o‘tayotgan mundial katta ehtimol bilan Krishtianu Ronaldu faoliyatidagi so‘nggisi bo‘ladi. Fevral oyida hujumchi 41 yoshini nishonlagandi.
«Ronaldu uchun g‘alaba qozonish? Ha, bu bizning asosiy vazifalarimizdan biri. Shuningdek, biz mamlakatimiz, muxlislarimiz, oilalarimiz va Diogu Jota uchun ham g‘olib bo‘lishni xohlaymiz», – dedi Vitinya Xorvatiyaga qarshi 1/16 final o‘yini oldidan.
Portugaliyaliklarning xorvatlarga qarshi uchrashuvi 3 iyul kuni bo‘lib o‘tadi va u Toshkent vaqti bilan soat 04:00da boshlanishi rejalashtirilgan. Ushbu juftlik g‘olibi 1/8 finalda Ispaniya yoki Avstriya terma jamoasi bilan to‘qnash keladi.
