«ПСЖ» ярим ҳимоячиси Витинья Португалия терма жамоасининг ЖЧ-2026даги ўзгача мотивацияси ҳақидаги саволга жавоб берди.
Ҳозирда бўлиб ўтаётган мундиал катта эҳтимол билан Криштиану Роналду фаолиятидаги сўнггиси бўлади. Февраль ойида ҳужумчи 41 ёшини нишонлаганди.
«Роналду учун ғалаба қозониш? Ҳа, бу бизнинг асосий вазифаларимиздан бири. Шунингдек, биз мамлакатимиз, мухлисларимиз, оилаларимиз ва Диогу Жота учун ҳам ғолиб бўлишни хоҳлаймиз», – деди Витинья Хорватияга қарши 1/16 финал ўйини олдидан.
Португалияликларнинг хорватларга қарши учрашуви 3 июль куни бўлиб ўтади ва у Тошкент вақти билан соат 04:00да бошланиши режалаштирилган. Ушбу жуфтлик ғолиби 1/8 финалда Испания ёки Австрия терма жамоаси билан тўқнаш келади.
