Kataloniyaning "Barselona" klubi markaziy hujumchisi Robert Levandovski nega 34 yoshida yuqori o‘yin ko‘rsatishda davom etayotganini aytdi.

"Katta bo‘lganim sari qarorlarim yetukroq va o‘ylangan bo‘la boshladi. Mening miyam allaqachon avtomatik ravishda oyoqlarga impuls beradi, u yoki bu vaziyatda qanday harakat qilish kerakligini bilaman. Faoliyatim davomida juda ko‘p tajriba to‘pladim", - dedi Levandovski Football Espana bilan suhbatda.

Levandovski yozgi transfer oynasida "ko‘k-anorranglilar" safiga qo‘shildi. U "Bavariya"dan 45 million yevroga sotib olingandi.

Joriy mavsumda Robert 17 ta o‘yinda qatnashib, 18 ta gol va 4 ta golli uzatmani amalga oshirdi.