Каталониянинг "Барселона" клуби марказий ҳужумчиси Роберт Левандовски нега 34 ёшида юқори ўйин кўрсатишда давом этаётганини айтди.

"Катта бўлганим сари қарорларим етукроқ ва ўйланган бўла бошлади. Менинг миям аллақачон автоматик равишда оёқларга импульс беради, у ёки бу вазиятда қандай ҳаракат қилиш кераклигини биламан. Фаолиятим давомида жуда кўп тажриба тўпладим", - деди Левандовски Football Espana билан суҳбатда.

Левандовски ёзги трансфер ойнасида "кўк-анорранглилар" сафига қўшилди. У "Бавария"дан 45 миллион еврога сотиб олинганди.

Жорий мавсумда Роберт 17 та ўйинда қатнашиб, 18 та гол ва 4 та голли узатмани амалга оширди.