Kataloniyaning “Barselona” klubi shu yozda “Milan”dan tekinga o‘tib klub safiga qo‘shilgan yarim himoyachisi Frank Kessie bilan xayrlashmoqchi emas. Jurnalist Fabrisio Romanoning so‘zlariga ko‘ra, klub va futbolchining o‘zi hamkorlikni to‘xtatishdan manfaatdor emas.
Eslatib o‘tamiz, Kessie joriy mavsumda "Barselona"ning asosiy tarkib futbolchisiga aylana olmayapti. Ivuarlik futbolchi Chempionlar ligasida guruh bosqichining birinchi turida "Viktoriya"ga qarshi o‘yinda bitta gol urishga muvaffaq bo‘ldi.
Avvalroq, Kessiening agenti mijozi yanvar oyidagi transfer oynasidayoq "Kamp Nou"ni tark etmoqchi ekanligi haqidagi mish-mishlarni shaxsan rad etgandi.
