Каталониянинг “Барселона” клуби шу ёзда “Милан”дан текинга ўтиб клуб сафига қўшилган ярим ҳимоячиси Франк Кессиэ билан хайрлашмоқчи эмас. Журналист Фабрицио Романонинг сўзларига кўра, клуб ва футболчининг ўзи ҳамкорликни тўхтатишдан манфаатдор эмас.

Эслатиб ўтамиз, Кессиэ жорий мавсумда "Барселона"нинг асосий таркиб футболчисига айлана олмаяпти. Ивуарлик футболчи Чемпионлар лигасида гуруҳ босқичининг биринчи турида "Виктория"га қарши ўйинда битта гол уришга муваффақ бўлди.

Аввалроқ, Кессиэнинг агенти мижози январь ойидаги трансфер ойнасидаёқ "Камп Ноу"ни тарк этмоқчи эканлиги ҳақидаги миш-мишларни шахсан рад этганди.