Мадриднинг «Реал» клуби ҳанузгача ярим ҳимоя чизиғини кучайтириш умидида. «Қаймоқранглилар»нинг «Челси» аъзоси Энцо Фернандес каби кўплаб юлдузли хавбекларга қизиқиш билдираётгани айтилмоқда.
Diario AS нашри берган маълумотларга кўра, «қироллик клуби» трансфер баҳоси 100 миллион евродан ошадиган юқори даражадаги ярим ҳимоячини таркибга қўшиб олиш учун, аввало, ўз таркибидаги қимматбаҳо ўйинчилардан бири билан хайрлашиш кераклигини яхши тушуниб турибди. Сотувга қўйилиши мумкин бўлган асосий номзодлар сифатида Эдуардо Камавинга, Орельен Тчуамени ва Федерико Вальверде кўрилмоқда.
Эслатиб ўтамиз, июнь ойининг бошида Жозе Моуриньо «Реал Мадрид» бош мураббийи этиб тайинланган эди. Жамоа сафини аллақачон Дензел Дюмфрис, Ибраима Конате, Марк Кукурелья ва Бернарду Силва каби футболчилар тўлдиришга улгуришди.
