Dunyoning eng qimmat murabbiyi Chempionlar ligasi guruh bosqichida oxirgi o‘rinni oldi. Lekin nega "Atletiko" Simeoneni iste’foga chiqarmayapti?
"Atletiko" yevrokuboklardan quruq qoldi - bu Diyego Simeone qo‘l ostida birinchi marta sodir bo‘ldi.
“Portu”dan uchralgan mag‘lubiyatdan so‘ng (1:2) El Chiringuito shousida mega-insayd e’lon qilindi: “Atletiko” rahbariyati Ispaniya terma jamoasi bosh murabbiyi Luis Enrikening atrofidagilar bilan bog‘lanib, JCH-2022dan keyin uning klubga tayinlanish masalasini muhokama qildi. Unga ko‘ra, agar ular jamoani to‘liq tozalashga ruxsat berishsa, Enrike bu taklifga rozi bo‘ladi.
Biroq bir necha soat o‘tgach, bunga raddiya keldi: COPE "Atletiko" murabbiyni o‘zgartirmasligini ta’kidladi. Rahbariyat bu natijani “10 yildagi ilk omadsizlik” deb hisoblaydi va Simeone hali ham La Ligada chempionlik uchun kurash olib borishiga chin dildan ishonadi.
Peshqadam "Real Madrid" bilan oradagi farq allaqachon to‘qqiz ochkoga yetgan, bu chindan ham xavotirlansa bo‘ladigan holat. Simeone dunyodagi eng qimmat murabbiy hisoblanadi. Uni ishdan bo‘shatish juda qimmatga tushadi. Simeonening chetlatilishini ham katta jarima sekinlashtirmoqda - taxminan 14 million yevro.
Klub bu summani kamaytirish uchun argentinalik bilan muzokara olib borishga harakat qilishi mumkin, ammo murabbiy va rahbariyat o‘rtasidagi munosabatlar keskinlashgani uchun buni amalga oshirish juda qiyin bo‘ladi. Uning shartnomasi 2024 yilgacha mo‘ljallangan. Diyego imkon qadar uzoq vaqt davomida loyihaning bir qismi bo‘lib qolishni xohlashini ko‘p marta ta’kidlagan.
«Birinchi kundanoq men bu yerga tezroq qaytishni xohlayman, degan fikr bilan yashadim, ammo «Atletiko»da siz ishdan bo‘shatilish qo‘rquvi bilan ishlashingiz kerak. Aks holda, men nimani his qilayotganimni ko‘rsatishning iloji bo‘lmaydi. Klub menga befarq bo‘la olmaydi, - degan edi murabbiy bir yil avval. – Biz uzoq vaqtdan beri maqsadlarga erishdik va birga rivojlandik. Klub iqtisodiy va sport nuqtayi nazaridan o‘sishni qidirdi. Biz ko‘p narsaga erishdik, ammo natijalar bunday bo‘lmadi”.
Simeone dunyodagi eng ko‘p maosh oluvchi murabbiy. Mart oyida Fransiyaning L'Equipe nashri top-ligalardagi yillik maoshlar reytingini e’lon qildi va Diyego La Ligadagi barcha murabbiylardan ko‘proq - oyiga 3,3 million yevro maosh olishini aniqladi. Top 5 liganing barchasida faqat Neymar, Leo Messi va Kilian Mbappe ko‘proq maosh oladi. Murabbiylar bo‘yicha unga eng yaqin raqib Pep Gvardiola bo‘lib, u 1,89 mln yevro maosh oladi.
«Men Simeonening tanqidini tushunmayapman. Mavsumni unchalik yaxshi boshlamadik. Biz qiyin ahvoldamiz, - dedi "Atletiko" prezidenti Enrike Sereso. - Afsuski, nimadir noto‘g‘ri ketdi, lekin so‘nggi 12 yil ichida juda ko‘p yaxshi narsalar bo‘ldi. Biz butun sahifani faqat tiniq ranglarga bo‘yashni xohlaymiz”.
Diyegoning yuqori maoshi rostdan ham hech kimni cho‘chitmayapti. AS nashrining yozilishicha, klub argentinalik murabbiy bilan kelasi yili 2026 yilgacha yangi shartnoma tuzmoqchi. Ehtimol, maoshlarda pasayish bo‘lar, Madrid klubi uchun hozir oson emas.
"Atletiko"ning iqtisodi og‘ir ahvolda. Ular rahbarlarning maoshlarini qisqartirmoqchi. La Ligadagi moliyaviy qiyinchiliklar azaldan trendda bo‘lib kelgan. Siz "Barsa"ning o‘tkazgan og‘ir ahvolini yaxshi bilasiz, lekin bu La Liga klublari uchun odatiy holat.
Marca nashrining yozishicha, La Liga biznesining 10 foizi CVC investisiya fondiga sotilgani hammasiga ushbu voqealarga bosh sababchidir. "Elche"ning sobiq sport direktori Niko Rodriges La Liga shartnoma imzolashga shoshilgan va endi turg‘un bo‘lishini istisno etmaydi. "Atletik" prezidenti Jon Uriarte shartnomani umuman noqonuniy deb hisoblaydi - "Real Madrid" va "Barsa" bilan birgalikda u CVC ga qarshi sud jarayonini davom ettirmoqda.
Hozirgi vaziyatda "Atletiko" deyarli eng yomon ahvolda
• Liganing moliyaviy nazorati bilan bog‘liq muammolardan qochish uchun klub o‘tgan yili bir millionga yaqin yangi aksiyalarni chiqarishga majbur bo‘ldi. Rahbariyat AQSH mablag‘i hisobidan taxminan 180 million yevro sarmoya to‘plagan, biroq Marcaning ta’kidlashicha, klub shundan so‘ng darhol yana 300 million yevro qisqa muddatli kredit oldi.
• "Atletiko" zudlik bilan Antuan Grizmann, Joau Feliks, Koke, Yan Oblak va Tom Lemardan maoshlarni kamaytirishni so‘rab maoshlarni qisqartirish ustida ishlamoqda - oxirgi ikkisi allaqachon kelishib bo‘lganligi aytilmoqda. Diyego Simeonening ulkan shartnomasi haligacha o‘z o‘rnida, ammo L’Equipe nashri Diyegoning o‘tgan yili kutilganidan 300 ming kam olganini aniqlagan.
• Grizmanning transferi ham bosh og‘rig‘ini ko‘paytirdi. “Atletiko” uni 60-daqiqadan so‘ng “Barselona”ga to‘lov evaziga 40 million yevro to‘lamaslik uchun qo‘yib yubordi, kataloniyaliklar esa sudga murojaat qilish bilan tahdid qilishdi – yakunda ular 20 millionga kelishib olishdi. Mundo Deportivo nashrining yozishicha, Madrid rahbariyati 20 million yevroni undirmoqchi edi. 15 million - ammo bu yerda Simeone shaxsan aralashib, Antuanning to‘liq transferini so‘radi.
Krishtianu Ronalduning "Atletiko"ga o‘tishi haqidagi mish-mishlar tarqalayotgan paytda, prezident Serezo bu kelishuv ko‘p sabablarga ko‘ra imkonsiz ekanligiga ishontirdi. "Marca"ning yozishicha, iqtisodiyot asosiy hisoblanadi. Endi madridliklar yevrokuboklardan tez chiqib ketgani uchun munosib tarzda bu yo‘ldan chiqib ketishdi.
Marca nashrining hisob-kitobiga ko‘ra, yevrokuboklarda o‘ynamaganligi sababli “Atletiko” taxminan 20 million yevro yo‘qotishi mumkin – o‘tgan mavsumda “Madrid” UEFAdan jami 40 millionga yaqin mablag‘ olgan. Natijada, klub Joau Feliksni sotish variantini jiddiy ko‘rib chiqmoqda.
