"Napoli" qishki transfer oynasida "Barselona" himoyachisi Jordi Albani sotib olmoqchi, deb xabar beradi El Nacional.
Manbaga ko‘ra, neapolliklar ispaniyalikni tekin o‘z safiga qo‘shib olmoqchi. O‘z navbatida, Kataloniya klubi rahbariyati maoshni tushirish uchun futbolchini qo‘yib yuborishga qarshi emas.
Shu bilan birga, Albaning ehtimoliy transferi “Napoli”ning hozirgi chap qanot himoyachilari – Mario Rui va Matias Oliveyraning kelajagiga ta’sir qilmaydi.
Albaning "Barselona" bilan shartnomasi 2024 yilning yoziga qadar mo‘ljallangan. Joriy mavsumda 33 yoshli himoyachi klub safida 10 ta o‘yinda maydonga tushib, 2 ta golli uzatmani amalga oshirdi.