"Наполи" қишки трансфер ойнасида "Барселона" ҳимоячиси Жорди Альбани сотиб олмоқчи, деб хабар беради El Nacional.
Манбага кўра, неаполликлар испанияликни текин ўз сафига қўшиб олмоқчи. Ўз навбатида, Каталония клуби раҳбарияти маошни тушириш учун футболчини қўйиб юборишга қарши эмас.
Шу билан бирга, Альбанинг эҳтимолий трансфери “Наполи”нинг ҳозирги чап қанот ҳимоячилари – Марио Руи ва Матиас Оливейранинг келажагига таъсир қилмайди.
Альбанинг "Барселона" билан шартномаси 2024 йилнинг ёзига қадар мўлжалланган. Жорий мавсумда 33 ёшли ҳимоячи клуб сафида 10 та ўйинда майдонга тушиб, 2 та голли узатмани амалга оширди.