"Aston Villa" qishki transfer oynasida "Vilyarreal" himoyachisi Pau Torresni sotib olishni maqsad qilgan, deya xabar beradi Football Insider.
Manbaga ko‘ra, transferdan avvalroq "sariq suvosti kemasi"ni boshqargan Angliya klubi bosh murabbiyi Unai Emeri shaxsan manfaatdor. Xabar qilinishicha, "Villa" 25 yoshli himoyachi uchun 40 million yevro taklif qiladi. Futbolchining shartnomasida 55 million yevro miqdorida sotib olish bandi bor.
Transfermarkt portaliga ko‘ra, futbolchining transfer qiymati 50 million yevroga baholanmoqda. Ispaniyalik futbolchining "Vilyarreal" bilan amaldagi shartnomasi 2024 yilgacha mo‘ljallangan.
Torres joriy mavsumda 15 ta o‘yinda ishtirok etdi.