"Астон Вилла" қишки трансфер ойнасида "Вильярреал" ҳимоячиси Пау Торресни сотиб олишни мақсад қилган, дея хабар беради Football Insider.
Манбага кўра, трансфердан аввалроқ "сариқ сувости кемаси"ни бошқарган Англия клуби бош мураббийи Унаи Эмери шахсан манфаатдор. Хабар қилинишича, "Вилла" 25 ёшли ҳимоячи учун 40 миллион евро таклиф қилади. Футболчининг шартномасида 55 миллион евро миқдорида сотиб олиш банди бор.
Transfermarkt порталига кўра, футболчининг трансфер қиймати 50 миллион еврога баҳоланмоқда. Испаниялик футболчининг "Вильярреал" билан амалдаги шартномаси 2024 йилгача мўлжалланган.
Торрес жорий мавсумда 15 та ўйинда иштирок этди.
