"Arsenal" hujumchisi Gabriel Martinelli jamoasi bilan shartnomasini uzaytirish borasida muzokaralar olib bormoqda, biroq ayni paytda "PSJ" ham u bilan shartnoma imzolashdan manfaatdor. Bu haqda jurnalist Ekrem Konurga tayanib, GOAL nashri xabar berdi.

Avvalroq, 21 yoshli braziliyalikni "Arsenal" jamoasida saqlab qolish uchun uning maoshini uch baravar oshirishi, ya’ni haftasiga 80 ming yevroni tashkil etishi kerakligi xabar qilingandi.

Martinelli London jamoasiga 2019 yilning yozida kelib qo‘shilgan edi. Braziliyalik hujumchi joriy mavsumda APL va Yevropa ligasida 17 ta o‘yinda maydonga tushib, 5 ta gol urdi va 2 ta golli uzatmani amalga oshirdi. Tomonlar o‘rtasidagi kelishuv 2024 yilda yakuniga yetadi.