"Арсенал" ҳужумчиси Габриэль Мартинелли жамоаси билан шартномасини узайтириш борасида музокаралар олиб бормоқда, бироқ айни пайтда "ПСЖ" ҳам у билан шартнома имзолашдан манфаатдор. Бу ҳақда журналист Экрем Конурга таяниб, GOAL нашри хабар берди.
Аввалроқ, 21 ёшли бразилияликни "Арсенал" жамоасида сақлаб қолиш учун унинг маошини уч баравар ошириши, яъни ҳафтасига 80 минг еврони ташкил этиши кераклиги хабар қилинганди.
Мартинелли Лондон жамоасига 2019 йилнинг ёзида келиб қўшилган эди. Бразилиялик ҳужумчи жорий мавсумда АПЛ ва Европа лигасида 17 та ўйинда майдонга тушиб, 5 та гол урди ва 2 та голли узатмани амалга оширди. Томонлар ўртасидаги келишув 2024 йилда якунига етади.
