Sport arbitraj sudi (CAS) Ekvador terma jamoasini futbolchi Bayron Kastilyo haqidagi yolg‘on ma’lumotdan iborat hujjat ishlatgani uchun JCH-2026 saralash bosqichida uch ochkodan mahrum qildi. Bu haqda seshanba kuni CAS matbuot xizmati xabar tarqatdi.

5 may kuni Chili futbol federasiyasi Kastilyo kolumbiyalik bo‘lgani va qalbaki pasport bilan o‘ynagani uchun Ekvador terma jamoasini 2022 yilda Qatarda bo‘lib o‘tadigan jahon chempionatidan chetlashtirishni talab qilib, sudga murojaat qildi. Chili federasiyasi Ekvador terma jamoasini Kastilyo ishtirok yetgan sakkizta saralash o‘yinida to‘plagan ochkolaridan mahrum qilishni, raqiblar esa avtomatik ravishda har bir o‘yinda uch ochko olishini talab qildi. 11 may kuni Xalqaro futbol federasiyasi (FIFA) Kastilyoga nisbatan intizomiy ish ochgani ma’lum bo‘ldi, biroq 10 iyun kuni tashkilot tartib-intizom qo‘mitasi Ekvador futbol federasiyasiga nisbatan ishni yopib qo‘ydi. CAS yig‘ilishida FIFA qarori ustidan ham apellyatsiya bergan Peru futbol federasiyasi vakillarining vajlari ham ko‘rib chiqildi.

CAS qaroriga ko‘ra, Kastilyo Ekvador terma jamoasida o‘ynash huquqiga ega, ammo soxta hujjatlar uchun keyingi saralash turnirida jamoani uch ochkodan mahrum etishga qaror qildi. Ekvador futbol federasiyasi 100 ming shveysariya franki (taxminan 101,58 ming dollar) miqdorida jarima to‘lashga majbur.