Спорт арбитраж суди (CAS) Эквадор терма жамоасини футболчи Байрон Кастильо ҳақидаги ёлғон маълумотдан иборат ҳужжат ишлатгани учун ЖЧ-2026 саралаш босқичида уч очкодан маҳрум қилди. Бу ҳақда сешанба куни CAS матбуот хизмати хабар тарқатди.

5 май куни Чили футбол федерацияси Кастильо колумбиялик бўлгани ва қалбаки паспорт билан ўйнагани учун Эквадор терма жамоасини 2022 йилда Қатарда бўлиб ўтадиган жаҳон чемпионатидан четлаштиришни талаб қилиб, судга мурожаат қилди. Чили федерацияси Эквадор терма жамоасини Кастильо иштирок етган саккизта саралаш ўйинида тўплаган очколаридан маҳрум қилишни, рақиблар эса автоматик равишда ҳар бир ўйинда уч очко олишини талаб қилди. 11 май куни Халқаро футбол федерацияси (ФИФА) Кастильога нисбатан интизомий иш очгани маълум бўлди, бироқ 10 июнь куни ташкилот тартиб-интизом қўмитаси Эквадор футбол федерациясига нисбатан ишни ёпиб қўйди. CAS йиғилишида ФИФА қарори устидан ҳам апеллятция берган Перу футбол федерацияси вакилларининг важлари ҳам кўриб чиқилди.

CAS қарорига кўра, Кастильо Эквадор терма жамоасида ўйнаш ҳуқуқига эга, аммо сохта ҳужжатлар учун кейинги саралаш турнирида жамоани уч очкодан маҳрум этишга қарор қилди. Эквадор футбол федерацияси 100 минг швейцария франки (тахминан 101,58 минг доллар) миқдорида жарима тўлашга мажбур.