Karim Benzemaning yoshi va jarohati bilan bog‘liq muammolar "Real"ni hujumchi qidirishda transfer bozoriga kirishga majbur qilmoqda.

Relevo xabariga ko‘ra, Madrid klubi skautlari Qatarda bo‘lib o‘tadigan Jahon chempionatida jamoaga hujumchi qidiradi.

Oldinroq Madridning “Real” klubi “Leypsig” futbolchisi Kristofer Nkunkuga qiziqish bildirayotgani haqida xabar berilgandi. Ayni vaqtda fransiyalik futbolchi “Chelsi” bilan muzokaralar olib bormoqda va aynan londonliklar futbolchini qo‘lga kiritish uchun birinchi raqamli da’vogar bo‘lib turibdi.

"Real" Ispaniya chempionati turnir jadvalida ikkinchi o‘rinni egallab, ta’tilga chiqdi. Karlo Anchelotti jamoasi “Barselona”dan ikki ochko ortda qolmoqda.