Карим Бенземанинг ёши ва жароҳати билан боғлиқ муаммолар "Реал"ни ҳужумчи қидиришда трансфер бозорига киришга мажбур қилмоқда.
Relevo хабарига кўра, Мадрид клуби скаутлари Қатарда бўлиб ўтадиган Жаҳон чемпионатида жамоага ҳужумчи қидиради.
Олдинроқ Мадриднинг “Реал” клуби “Лейпциг” футболчиси Кристофер Нкункуга қизиқиш билдираётгани ҳақида хабар берилганди. Айни вақтда франциялик футболчи “Челси” билан музокаралар олиб бормоқда ва айнан лондонликлар футболчини қўлга киритиш учун биринчи рақамли даъвогар бўлиб турибди.
"Реал" Испания чемпионати турнир жадвалида иккинчи ўринни эгаллаб, таътилга чиқди. Карло Анчелотти жамоаси “Барселона”дан икки очко ортда қолмоқда.
