"Manchester Yunayted"ning braziliyalik hujumchisi Antoni bolaligida o‘zi havas qilgan futbolchilarni aytdi va Braziliyadagi hayot haqida gapirdi.
“Men afsonalardan turli fintlarni o‘rgandim. Ronaldinyo, Neymar, Krishtianu Ronaldu. Toniolo amakim tufayli YouTube'da ularning o‘yinini ko‘rdim. U mening haqiqiy amakim emas, balki bizning qo‘shnimiz edi, lekin menga oila a’zosidek munosabatda bo‘ldi. Kichkinaligimda u menga Wi-Fi-dan foydalanishga ruxsat berdi, shunda men YouTube-ga kirib, yangi narsalarni o‘rgandim. U menga hatto birinchi video o‘yinimni ham berdi. Tonioloda ikkita non bo‘lsa, bittasini oilamga berdi. Bu faveladagi hayotni hamma ham tushunavermaydigan narsa. Har bir yomon odam uchun ikkita yaxshi odam bor ", - dedi Antoni.
22 yoshli xavbek 2022 yilning avgustida "Manchester Yunayted" klubi futbolchisiga aylandi, klub futbolchi uchun Amsterdamning "Ayaks" klubiga 95 million yevro to‘lagan. Braziliyalik futbolchi joriy mavsumda APLning 6 o‘yinida 3 ta gol urdi.
