Italiya terma jamoasi o‘rtoqlik uchrashuvida albanlarni 3:1 hisobida mag‘lub etdi va «Napoli» darvozaboni Aleks Meret «Skuadra Adzurra» darvozasida debyut qildi.
Uning bu boradagi hamkasbi, «Sampdoriya» va «Inter» klublarining sobiq darvozaboni Janluka Palyuka Meretning terma jamoadagi debyutini yuqori baholadi.
"To‘laqonli kuchli darvozabon, zaif tomonlari yo‘q, o‘z chizig‘ida yaxshi o‘ynaydi, to‘pga chiqishda ham yaxshi o‘ynaydi. Albatta, Donnarumma - bu fenomen, lekin Meret o‘z darajasiga hali ko‘tariladi, terma jamoaga ikkita yaxshi darvozabon kerak, endi ko‘proq o‘yinlar, o‘rtoqlik o‘yinlari, Millatlar ligasi, Yevropa chempionatiga saralash, ko‘plab o‘yinlar ularni charxlaydi", deydi Palyuka.
