Италия терма жамоаси ўртоқлик учрашувида албанларни 3:1 ҳисобида мағлуб этди ва «Наполи» дарвозабони Алекс Мерет «Скуадра Адзурра» дарвозасида дебют қилди.
Унинг бу борадаги ҳамкасби, «Сампдория» ва «Интер» клубларининг собиқ дарвозабони Жанлука Пальюка Меретнинг терма жамоадаги дебютини юқори баҳолади.
"Тўлақонли кучли дарвозабон, заиф томонлари йўқ, ўз чизиғида яхши ўйнайди, тўпга чиқишда ҳам яхши ўйнайди. Албатта, Доннарумма - бу феномен, лекин Мерет ўз даражасига ҳали кўтарилади, терма жамоага иккита яхши дарвозабон керак, энди кўпроқ ўйинлар, ўртоқлик ўйинлари, Миллатлар лигаси, Европа чемпионатига саралаш, кўплаб ўйинлар уларни чархлайди", дейди Пальюка.
