“Barselona” hujumchisi Memfis Depay qishki transfer oynasi vaqtida kataloniyaliklar klubini tark etmoqchi, deb xabar beradi Sport.es.
Kataloniyaliklar futbolchining maoshini tejashni, uning o‘zi esa ko‘proq o‘yin amaliyotiga ega bo‘ladigan jamoaga qo‘shilishni istamoqda.
Niderlandiyalik futbolchiga “Manchester Yunayted”, “Arsenal” va “Chelsi” klublari qiziqish bildirmoqda, biroq bu klublarning hech biri hozircha rasmiy taklif bilan chiqmagan.
Depayning "Barselona" bilan shartnomasi 2023 yilning yozida yakuniga yetadi. Joriy mavsumda 28 yoshli hujumchi kataloniyaliklar safida 3 ta o‘yin o‘tkazib, 1 ta gol urishga erishdi.
Transfermarkt ma’lumotlariga ko‘ra, hujumchining narxi 20 million yevroni tashkil qiladi.
