Argentina terma jamoasi hujumchisi Lionel Messi individual dastur ustida ishlashda davom etmoqda.
Marca nashrining xabariga ko‘ra, futbolchi terma jamoa mashg‘ulotlariga oxirgi bo‘lib kelgan, biroq jamoadoshlari bilan umumiy guruhda shug‘ullanmagan.
Eslatib o‘tamiz, Messi ham kechagi mashg‘ulotlarni ham o‘tkazib yuborgandi. Argentinalik murabbiy buni Birlashgan Arab Amirliklariga qarshi o‘rtoqlik o‘yinida ishtirok etgan bir qator futbolchilarga tiklanish uchun ko‘proq vaqt berish bilan izohladi.
Argentina JCHni Saudiya Arabistoniga qarshi o‘yin bilan boshlaydi, uchrashuv 22 noyabr kuni Toshkent vaqti bilan soat 15:00da bo‘lib o‘tadi. Bundan tashqari, “S” guruhida Meksika va Polsha terma jamoalari o‘ynaydi.
